Nos vida ta k’ma um navio sem rumo e sem distinu
Vida de kriol ê navegá ness mar sem fim
Um viaja sem rumo, um viaja ruim
Um viaja sem graça e sem um ligria d'navegador

Nôs vida foi sempre assim ness mar sô di amargura
Um vida na balança sem kontrapes ê um kriatura
Pesal um dia, pesal mansim dal sê ligria
Lembra k'ma el ê sofre dor

Oh mund se algum dia bo muda di rumu
Mudal k’ konciência, mudal q’justiça
Troca de navio, ma tambem tripulaçon
Trocal konsciencia, trocal razón

Si vive ê um missão, si vivê ê kumpri um distinu
J’al kumpri d’seu, gora faltal ê sô morrê
J’al krê txorá, j’al krê sô gritá
Gritá k tudu força, gritá tudu sê sofrimentu
Ess mund ê um mund ingrót
Mund triste, oh ki mund di maldade
Um mund di folia, um mund d'tristeza i sem ligria
Um mund sem paz, um mund só de torment
Ess mund de agora ka conxê um sentimentu

Oh sol sob Kabu Verdi, sol d’one 2000
Lembrá de nha terra, lembra d'ses gente
Espalhá bôs raios, ma espalhas k’mas aligria
Espalhas k’certeza, ma pa tudo genti